Maanta ayaa magaalada Tehran lagu wadaa in lagu qabto maalintii labaad ee munaasabadda aaska dhowrka maalmood socon doonta ee Cali Khamenei, hoggaamiyihii hore ee Jamhuuriyadda Islaamiga ah ee Iiraan.
Qorshaha munaasabadda waxaa qeyb ka ah salaadda janaasada oo lagu tukan doono goobta weyn ee salaadda ee caasimadda.
Mas’uuliyiinta Iiraan ayaan weli shaacin cidda hoggaamin doonta salaadda janaasada. Dhanka kale, Mojtaba Khamenei, oo loo magacaabay hoggaamiyaha cusub ee Jamhuuriyadda Islaamiga ah, ayaan si rasmi ah uga soo muuqan fagaaraha tan iyo markii xilka loo magacaabay.
Warar aan si rasmi ah loo xaqiijin ayaa sheegaya inuu dhaawacmay intii lagu jiray weerarradii Mareykanka iyo Israa’iil ay ku qaadeen Iiraan.
