Halyeeyga reer France ee khadka dhexe Zinedine Zidane ayaa shaaca ka qaaday in uu weligiis ku haminayay inuu u ciyaaro kooxda magaaladiisa hooyo ee Olympique de Marseille, balse riyadaasi aysan waligeed rumoobin.
Zidane, oo magac weyn ku yeeshay kooxaha Juventus iyo Real Madrid, ayaa sheegay in inkasta oo uu guulo badan gaaray intii uu ciyaaryahan ahaa, uu mar walba qalbigiisa ku jiray rabitaanka ah inuu xirto funaanadda Marseille.
“Marseille waa koox fiican. Ma aanan u ciyaarin, laakiin waxay ahayd riyo ii rumoobi weyday,” ayuu yiri Zidane.
Wuxuu sidoo kale ammaanay taageerayaasha kooxda iyo jawiga cajiibka ah ee garoonka Stade Vélodrome, oo uu ku tilmaamay mid ka mid ah kuwa ugu firfircoon Yurub.
Inkastoo uusan riyadiisa rumeyn, hadalka Zidane wuxuu muujinayaa xiriirka qotada dheer ee uu la leeyahay magaalada uu ku dhashay, iyo sida xitaa ciyaartoy waaweyn ay mararka qaar uga tageen riyooyin sabab la xiriirta duruufo ciyaareed ama fursado kale oo xirfadeed.
