Garab ka tirsan Jabhadda Wadaniga Xoraynta Ogaadeeniya (ONLF) oo uu hoggaamiyo Cabdiraxmaan Sheekh Mahdi, ayaa 10-kii Oktoobar 2026 taageero u muujiyey TPLF, xilli dagaallo iyo xiisado siyaasadeed ay dib uga soo cusboonaadeen waqooyiga Itoobiya.
Garabku wuxuu sheegay in halganka siyaasadeed aan lagu qiimeyn karin guul ama guuldarro ka dhalata dhowr goobood oo dagaal.
Mowqifkan ayaa dhaliyay amakaag iyo dhaleecayn, iyadoo la xusuustay taariikhda colaadeed ee u dhexeysay ONLF iyo nidaamkii TPLF hoggaaminaysay, xilligii ONLF ay dagaal hubaysan kula jirtay dowladda Itoobiya.
Dhanka kale, garabka ONLF ee uu hoggaamiyo Cabdirakiim Sheekh Muuse (Qalbi-dhagax) ayaa waddo ka duwan qaatay, isagoo 2018 heshiis nabadeed la galay dowladda Itoobiya, isla markaana sheegay inuu halganka ku wado hab siyaasadeed.
